Հայաստանի կանանց բասկետբոլի հավաքականը հաղթանակ տարավ Վրաստանի նկատմամբ 5-9-րդ տեղերի համար մրցավեճում Փոքր երկրների 2024 Եվրոպայի առաջնությունում, որը կայացավ Պրիշտինայում:
Հայաստան - Վրաստան 81:58 | Փոքր երկրների 2024 Եվրոպայի առաջնություն, 5-9-րդ տեղերի համար մրցավեճ:
Հայաստանի հավաքականի բոլոր 11 խաղացողներն էլ միավորներ վաստակեցին: Ամենից արդյունավետը Կայլա Քեշմեշյանն էր՝ վաստակելով 13 միավոր, ևս 11 միավոր ավելացրեց Արեգնազ Օրուջյանը: Մնացած բասկետբոլիստուհիները վաստակեցին 4-ից 9 միավոր:
Վաղը՝ հունիսի 30-ին, Հայաստանի հավաքականը կանցկացնի իր վերջին խաղը մրցաշարում Կոսովոյի դեմ՝ պայքարելով 5-րդ տեղի համար: Առաջին տեղի համար կպայքարեն կիսաեզրափակիչների հաղթողները՝ Մալթա - Ալբանիա և Նորվեգիա - Կիպրոս:
Հիշեցնենք, որ խմբային փուլում Հայաստանը հաղթել էր Անդորրային, սակայն պարտվել էր Նորվեգիային և Ալբանիային:
