Օլիմպիական հավաքականի ներկայացուցիչ Էլմիրա Կարապետյանը արդեն հասել է Փարիզ և վաղը կմասնակցի Օլիմպիական կրակի փոխանցումավազքին։ Այս նշանավոր պահը նրա համար կլինի կարևոր քայլ դեպի 2024 թվականի Օլիմպիական խաղերը, որտեղ նա հանդես կգա 10 մետր օդամղիչ ատրճանակով կրակոցներում:
Էլմիրան իր ելույթները Փարիզում կսկսի խաղերի առաջին իսկ օրը՝ հուլիսի 27-ին:
Մինչդեռ Օլիմպիական կրակը արդեն հասել է Փարիզ: Առաջինն մայրաքաղաքի փողոցներով վազել է ֆրանսիայի ֆուտբոլի Օլիմպիական հավաքականի գլխավոր մարզիչ Թիերի Անրին: Այս միջոցառումը դարձել է խաղերի նախապատրաստման կարևոր փուլ և պետք է գրավի Փարիզի բնակիչների ուշադրությունը:
Օլիմպիական կրակի փոխանցումավազքը սկսվել է ավանդական ռազմական շքերթից, որը անցկացվում է ամեն տարի Բաստիլի գրավման օրը, ապա կրակը ուղևորվել է քաղաքով՝ սկսելով Ելիսեյան դաշտերից: Առաջիններից մեկը, ով կրակը բռնել է, եղել է Թիերի Անրին, որը ստացել է այս պատիվը Փարիզի ամենահայտնի պողոտայով: Հետագայում փոխանցումավազքի երթուղին կանցնի այնպիսի նշանավոր վայրերով, ինչպիսիք են խորհրդարանը և Նոտր Դամ տաճարը:
«Այս ամենը աներևակայելի է, հատկապես մեր ազգային օրը՝ Ելիսեյան դաշտերում, Փարիզում Օլիմպիական խաղերի նախօրեին», — պատմեց Անրին լրագրողներին իր մասնակցության մասին փոխանցումավազքում: «Սա պարզապես անհավատալի է»:
