Այսօր մեկնարկում է Amerigol Latam Cup-ի ամենամյա մրցաշարը, որն անցկացվում է NHL-ի, NHL-ի խաղացողների ասոցիացիայի և «Ֆլորիդա Փանտերս» ակումբի աջակցությամբ: Սկզբում մրցաշարը նախատեսված էր միայն Հյուսիսային և Հարավային Ամերիկայի թիմերի համար, սակայն ժամանակի ընթացքում միացան նաև այլ մայրցամաքների թիմեր:
Մրցաշարի հիմնական նպատակն է աջակցել այն երկրներին, որտեղ հոկեյը նոր է զարգանում կամ լայն տարածում չունի: Որոշ թիմեր չունեն ազգային հավաքականներ կամ պաշտոնական ֆեդերացիաներ: Օրինակ՝ Հայաստանի թիմը ներկայացնում է ոչ պաշտոնական հավաքական, որը կազմված է հայկական սփյուռքի խաղացողներից:
Amerigol Latam Cup 2024-ը կանցկացվի Ֆլորիդայում՝ օգոստոսի 21-ից 25-ը, «Ֆլորիդա Փանտերս» ակումբին պատկանող փոքրիկ մարզադաշտում: Այդ դաշտը հիմնականում օգտագործվում է երեխաների հոկեյի և գեղասահքի մարզումների համար, այլ ոչ թե NHL-ի թիմի հիմնական մարզումների:
Մրցաշարին կմասնակցեն մեծահասակների տղամարդկանց և կանանց թիմերը, ինչպես նաև տարբեր տարիքային խմբերի թիմեր՝ U12, U14 և U16:
Հոկեյի «Հայաստան» ակումբը իր դեբյուտը կատարեց անցյալ տարի և անմիջապես նվաճեց տիտղոսը: Խմբային փուլում հայկական թիմը ջախջախեց Մեքսիկային (17:2), հաղթեց Եգիպտոսին (5:3) և Իսրայելին (2:0): Կիսաեզրափակչում կրկին հաղթեցին Եգիպտոսին (5:2), իսկ եզրափակչում համոզիչ հաղթանակ տարան Վենեսուելայի դեմ՝ 12:1 հաշվով:
Այս տարի «Հայաստան» թիմը ներկայացված է երկու կազմով: Առաջին դիվիզիոնում նրանք կհանդիպեն Կուբայի, Հունաստանի և Լիբանանի հավաքականների հետ, իսկ երկրորդ դիվիզիոնում՝ Արգենտինայի, Չիլիի, Կոլումբիայի և Mexico Warriors թիմերի հետ:
Թիմերի կազմերը հասանելի են հետևյալ հղումներով.
Մրցաշարի խաղերի մանրամասն ժամանակացույցը հասանելի է պաշտոնական կայքում՝ amerigolhockey.com։
Շնորհենք հաջողություն հոկեյի «Հայաստան» ակումբին և սպասենք նոր հաղթանակների։