Հայաստանի տղամարդկանց ազգային թենիսի հավաքականը որակավորվեց Դևիսի գավաթի երրորդ խումբ։ 2024 թվականի մրցաշարում հայկական թիմը խմբում զբաղեցրեց երկրորդ տեղը և անցավ փլեյ-օֆֆ։
Փլեյ-օֆֆում Հայաստանը հաղթեց Սան Մարինոյի հավաքականին 2-1 հաշվով և որակավորվեց Դևիսի գավաթի երրորդ դիվիզիոն հաջորդ սեզոնի համար։
Խաղերի արդյունքները:
- Միքայել Ավանեսյան — Ֆիլիպո Թոմմեզանի (6-4, 6-4)
- Սեդրակ Խաչատրյան — Մարկո Դե Ռոսի (0-6, 2-6)
- Նիկողոսյան / Սոֆյան — Թոմմեզանի / Դե Ռոսի (6-3, 6-1)
Դևիսի գավաթի 2024 թվականի (Խումբ 4) արդյունքներով Մալթայի և Հայաստանի հավաքականները անցան 3-րդ խումբ։
Հայաստանի թենիսի հավաքականի ամենաբարձր արդյունքը եղել է 2-րդ խմբի քառորդ եզրափակիչը 2001 և 2004 թվականներին, երբ թիմում դեռ հանդես էր գալիս Սարգիս Սարգսյանը։ Այդ տարիներին և մինչ օրս հանդես է գալիս նաև Արություն Սոֆյանը։
Հայաստանի թենիսի հավաքականի կազմը:
- Միքայել Ավանեսյան — 16 տարեկան
- Արություն Սոֆյան — 41 տարեկան
- Հենրիկ Նիկողոսյան — 36 տարեկան
- Սեդրակ Խաչատրյան — 32 տարեկան
- Միքայել Ավետիսյան — 28 տարեկան
Ներկայումս Եվրոպայի 3-րդ խմբում հանդես են գալիս Ադրբեջանի, Կիպրոսի, Չեռնոգորիայի, Հյուսիսային Մակեդոնիայի, Սլովենիայի, Կոսովոյի և Մոլդովայի հավաքականները։