Այսօր՝ օգոստոսի 21-ին, Ամմանում կանցկացվեն Մ17 աշխարհի առաջնության երկրորդ եզրափակիչները հունահռոմեական ոճի ըմբշամարտում: Հայաստանի հավաքականի կազմում եզրափակչում կմրցի Մարատ Աչեմյանը, իսկ երեք ըմբիշներ կպայքարեն բրոնզե մեդալների համար:
Այսօր գործող Եվրոպայի Մ17 չեմպիոն Մարատ Աչեմյանը պայքարելու է ևս մեկ ոսկու համար, բայց այս անգամ՝ աշխարհի առաջնությունում։ Նրա մրցակիցը կլինի խոստումնալից ռուս ըմբիշ Ասլանբեկ Կոստոևը: Սակայն Մարատը արդեն հաղթել է նրան Եվրոպայի առաջնության եզրափակչում 10:0 հաշվով։ Ինչպես կավարտվի նրանց երկրորդ հանդիպումը, կիմանանք այսօր:
Այս երիտասարդ ըմբիշն արդեն հասցրել է գրավել բազմաթիվ ըմբշամարտի սիրահարների սրտերը իր անկանխատեսելի և դինամիկ ոճով, ինչպես նաև այս տարվա ընթացքում իր անպարտելի շարքով՝ 53:0։ 15 տարեկանում, հասնել այնպիսի ցուցանիշի, երբ 17 տարեկանից ցածր տարիքային խմբում դեռևս ոչ մի միավոր չես կորցրել, մեծ ձեռքբերում է, բայց սա դեռ այս պատմության սկիզբն է, և Աստված տա, այն մնա փառավոր:
Այսօրվա հանդիպումները Մ17 աշխարհի առաջնությունում հունահռոմեական ըմբշամարտում:
Եզրափակիչ 45 կգ
Մարատ Աչեմյան (Հայաստան) — Ասլանբեկ Կոստոև (Ռուսաստան)
Բրոնզի համար 51 կգ
Սարգիս Հարությունյան (Հայաստան) — Աբոլֆազի Քարամիեգի (Իրան)
Բրոնզի համար 71 կգ
Սամվել Տերտերյան (Հայաստան) — Բեհրուզբեկ Վալիև (Ուզբեկստան)
Բրոնզի համար 92 կգ
Լևա Շուխյան (Հայաստան) — Ֆախրիքամոլ Քոմիլջոնով (Ուզբեկստան)
Եզրափակիչները կմեկնարկեն 18:00-ին Մոսկվայի ժամանակով և 19:00-ին Երևանի ժամանակով։ Հեռարձակումը կգտնեք մեր Telegram ալիքում։
Հայաստանի համար մեկ բրոնզե մեդալն էլ բավական կլինի, որպեսզի գերազանցենք անցյալ տարվա արդյունքը, սակայն առկա է զգալիորեն բարելավելու հնարավորություն։ Անցյալ տարի մենք ունեինք 1 արծաթ և 3 բրոնզ։ Երեկ հայերը արդեն նվաճել են 2 բրոնզե մեդալ:
