Լարված խաղում Եվրոպայի մինչև 16 տարեկանների բասկետբոլի առաջնության «C» դիվիզիոնի կիսաեզրափակիչում Հայաստանի հավաքականը պարտվեց Ալբանիայի հավաքականին 81-82 հաշվով։
Հայաստանի հավաքականի ամենարդյունավետ խաղացողը դարձավ Ռաֆայել Մասումյանը: Նրա հաշվին 20 միավոր, 12 անդրադարձ, 2 փոխանցում, 4 գողացում և 2 բլոկշոտ: Նրա տպավորիչ խաղը օգնում էր թիմին մնալ պայքարում մինչև խաղի վերջին վայրկյանները:
Խաղի վերջնամասը հատկապես լարված էր: Հայաստանի հավաքականը հնարավորություն ուներ կորզել ոչ-ոքի, իսկ հետո նաև հաղթանակը: Էդգար Ագաբեկյանը չկարողացավ իրացնել տուգանային նետումը, որը կարող էր հավասարեցնել հաշիվը: Այնուամենայնիվ, հայ խաղացողները կարողացան վերցնել անդրադարձը և մի քանի անգամ փորձեցին դիպչել զամբյուղին: Վերջին նետումը նորից կատարեց Էդգար Ագաբեկյանը, բայց, ցավոք, գնդակը չհասավ նպատակի հետ սուլոցով:
Չնայած պարտությանը, Հայաստանի հավաքականը ցուցադրեց մարտական ոգի և բարձր մակարդակի խաղ: Առաջիկայում նրանց սպասվում է 3-րդ տեղի խաղ Ադրբեջանի հավաքականի դեմ, որը տեղի կունենա հուլիսի 14-ին: Այս խաղը կարևոր փորձություն կլինի թիմի համար և հնարավորություն՝ ավարտել մրցաշարը բարձր մակարդակի վրա:
Մյուս կիսաեզրափակչում Ադրբեջանը պարտվեց Կոսովոյին 41-76 հաշվով։
