Օգոստոսի 14-ին Երևանում կայացավ «Փյունիկի» գլխավոր մարզիչ Եղիշե Մելիքյանի մամուլի ասուլիսը՝ Եվրոպայի կոնֆերենցիայի լիգայի «Օրդաբասիի» դեմ պատասխան խաղից առաջ:
Առաջին խաղն ավարտվել է «Փյունիկի» հաղթանակով՝ 1-0 հաշվով։ Պատասխան խաղը կկայանա օգոստոսի 14-ին՝ Երևանում, Երևանի ժամանակով 20:00-ին։
— Ի՞նչ կասեք ՀՖՖ-ի հայտարարությունների մասին «Հրազդան» մարզադաշտի վերաբերյալ:
— Մենք շատ էինք ցանկանում հանդիպումները անցկացնել «Հրազդան» մարզադաշտում, բայց կան անվտանգության նորմեր: Ես աջակցում եմ ՀՖՖ-ի որոշմանը: Մեր համար ամենակարևորը երկրպագուների անվտանգությունն է: Կա օրենք, և եթե ինչ-որ բան արգելված է, ուրեմն՝ այդպես է պետք։
— Ինչպե՞ս եք փոխհատուցելու վնասվածք ստացած Լուկաս Վիլելայի բացակայությունը:
— Ես արդեն սովորել եմ նման իրավիճակների: Դժվարություններ միշտ լինում են, բայց ես միշտ գտել եմ լուծում և այս անգամ նույնպես կգտնեմ։ Սակայն այս տարի մենք շատ կորուստներ ունենք: Լուկաս Վիլելան գերազանց մարզավիճակում էր, և նրան փոխարինելը բարդ կլինի:
— Ի՞նչ կասեք Սերժ Դեբլեի մասին:
— Նա նույնպես կարևոր խաղացող էր, ինչպես և ևս վեց ֆուտբոլիստներ, որոնց վրա մենք հույս էինք դրել։ Ներկայումս նա շարունակում է վերականգնումը:
— Ի՞նչ ուժեղ կողմեր են «Օրդաբասի»-ի մոտ, որ տպավորել են Ձեզ:
— Նրանք մեզ չզարմացրեցին, այն ամենը, ինչ սպասում էինք, հաստատվեց։ Մենք գիտենք, թե ինչ սպասել վաղը։ Մենք մանրակրկիտ պատրաստվում ենք, որպեսզի անակնկալներ չլինեն, և պատրաստ կլինենք ամեն ինչի։ Ինձ թվում է, որ թիմը լիովին պատրաստ է խաղին։ Վաղը «Օրդաբասի»-ն կփորձի հետ բերել կորցրածը: Նրանց մոտ կան բարձրահասակ խաղացողներ, և նրանք ակտիվորեն կօգտագործեն վերին փոխանցումները: Մենք հաստատ չենք պատրաստվում խաղալ հաշվի պահպանման վրա, դա սխալ կլիներ մեր կողմից: Մենք գիտենք, թե ինչպես հաղթել վաղը: 1-0 հաշիվը ամենավտանգավորն է, այդ պատճառով հոգեբանորեն պատրաստվում ենք խաղին՝ սկսելով 0-0-ից։
Վաղը մեզ սպասում է բարդ խաղ, և մենք հույս ունենք երկրպագուների աջակցության վրա՝ առանց նրանց մեզ համար դժվար կլինի հաղթել։
— Ի՞նչ աշխատանքներ են կատարվել «Փյունիկի» կողմից «Հրազդան» մարզադաշտում:
— Այո, աշխատանքներ կատարվել են, և մենք այնտեղ մարզվել ենք: Բայց դա արդեն կարևոր չէ, քանի որ այնտեղ չենք խաղալու։