«Փյունիկը» Կոնֆերենցիաների լիգայի որակավորման երկրորդ փուլում խաղալու է Հյուսիսային Մակեդոնիայի չեմպիոն ՖԿ «Ստրուգայի» դեմ։ «Փյունիկի» մրցակիցը որոշվեց Չեմպիոնների լիգայի որակավորումից հետո, «Ստրուգան» նույնպես, ինչպես «Փյունիկը», պարտվեց առաջին փուլում։
Չեմպիոնների լիգայում «Ստրուգան» պարտվեց «Սլովանին» (Բրատիսլավա) ընդհանուր 3-6 (2-4, 1-2) հաշվով։ Այդ խաղում Տիգրան Բարսեղյանը չէր մասնակցում վնասվածքի պատճառով։
«Ստրուգան» երկրորդ անգամ անընդմեջ դարձել է Հյուսիսային Մակեդոնիայի չեմպիոն, հավաքելով նույն քանակությամբ միավորներ, ինչ «Շկենդիան»։
Հետաքրքիր է, որ «Ստրուգայի» կազմում հանդես են գալիս միանգամից երեք նախկին «Փյունիկի» ֆուտբոլիստ՝ Կիրե Ռիստևսկին, Ստեֆան Սպիրովսկին և Մարյան Ռադեսկին, ինչպես նաև նախկին «Շիրակի» ֆուտբոլիստ՝ Բունյամին Շաբանին։
Ընդհանուր առմամբ, թիմը տարիքային է՝ քիչ լեգիոներներով։
Առաջին հանդիպումը «Փյունիկի» և «Ստրուգայի» միջև կկայանա Հյուսիսային Մակեդոնիայում հուլիսի 25-ին։ Պատասխան հանդիպումը Երևանում օգոստոսի 1-ին։
