Եվրոպայի մինչև 18 տարեկանների բասկետբոլի առաջնությունը C դիվիզիոնում մեկնարկում է

Հուլիսի 23-ին մեկնարկում են 2024 թվականի Եվրոպայի մինչև 18 տարեկանների բասկետբոլի առաջնության (U18) C դիվիզիոնի խաղերը։ Հայաստանի մինչև 18 տարեկանների տղաների հավաքականը հանդես կգա Ալբանիայում, իսկ մինչև 18 տարեկանների աղջիկների հավաքականը՝ Կոսովոյում։ Երկու առաջնությունները կանցկացվեն միաժամանակ և կավարտվեն հուլիսի 28-ին։

Հայաստանի մինչև 18 տարեկանների տղաների հավաքականը հանդես կգա «B» խմբում, որտեղ նրա մրցակիցները կլինեն Մոլդովան և Ադրբեջանը։ «A» խմբում կմրցեն Գիբրալթարի, Լյուքսեմբուրգի, Ալբանիայի և Սան-Մարինոյի հավաքականները։

Սևագ Կետենջյանի ղեկավարությամբ Ալբանիա են մեկնել հետևյալ խաղացողները՝

1. Ալեքս Ակոբյան
2. Ռաֆայել Սաֆարյան
3. Գրիգորի Կազարյան
4. Սարգիս Հարությունյան
5. Դավիթ Վարդանյան
6. Գևորգ Մանուկյան
7. Ռաֆայել Մասումյան
8. Արտյոմ Նազլուխանյան
9. Վիլյամ Կարաբեկյան
10. Սեբաստիան-Հարություն Ացակորդզյան
11. Արեգ Ասլանյան
12. Հայկ Քարահանյան

Հայաստանի մինչև 18 տարեկանների աղջիկների հավաքականը հանդես կգա «B» խմբում, որտեղ նրա մրցակիցները կլինեն Վրաստանը, Ալբանիան և Ադրբեջանը։ «A» խմբում կմրցեն Մալթայի, Կիպրոսի և Կոսովոյի հավաքականները։

Արտյոմ Տավակալյանի ղեկավարությամբ Կոսովո են մեկնել հետևյալ խաղացողները՝

1. Սեդա Գաբրիելյան
2. Լիա Կրումյան
3. Մեգրի Ասատուր
4. Անիելա Ավանյան
5. Կարինա Սահակյան
6. Ռիպսիմե Սարգսյան
7. Ժաննա Խաչատրյան
8. Սոնա Կարապետյան
9. Լեոնա Վիտեբսկայա
10. Էլեն Խաչատրյան
11. Սուսաննա Խաչատրյան
12. Գետակ Սարգս

Բոլոր խաղերի հեռարձակումը հասանելի կլինի անվճար FIBA-ի YouTube ալիքում։

Նշենք, որ մինչ այս ավարտվել են մինչև 20 և մինչև 16 տարեկանների Եվրոպայի առաջնությունները։