Փարիզի Օլիմպիական խաղերում տեղի ունեցավ մի իրադարձություն, որը երկար կհիշվի ձյուդոյի և սպորտի երկրպագուների սրտերում։ Ճապոնացի ձյուդոիստուհի, 2020 թվականի օլիմպիական չեմպիոն Ուտա Աբեն սենսացիոն պարտություն կրեց 1/8 եզրափակիչում, ապագա չեմպիոն, ուզբեկ Դիյորա Կալդիյորովայից։
Ուտա Աբեն, հայտնի իր երկաթյա կամքով և հաղթանակի ձգտումով, չկարողացավ զսպել արցունքները պարտությունից հետո։ Նրա լացը ավագ եղբոր՝ Հիֆումի Աբեի գրկում լսվում էր տրիբունայում ավելի քան երեք րոպե, և դա իսկապես հուզիչ էր։ Դիտողները և երկրպագուները քարացել էին, հետևելով այս սրտաճմլիկ պահին։ Եղբայր և քույր Աբեն երազում էին կրկնել իրենց հաղթանակը Տոկիոյի Օլիմպիական խաղերում, երբ երկուսն էլ դարձան օլիմպիական չեմպիոններ, բայց ճակատագիրը այլ կերպ որոշեց։
Հիֆումին, Ուտայի ավագ եղբայրը, չնայած քրոջ պարտության հուզական ցնցմանը, հաջորդ օրը դուրս եկավ տատամի անսասան վճռականությամբ։ Մինչև 66 կգ քաշային կարգում նա ցուցադրեց իր վարպետությունն ու հաղթելու կամքը, դառնալով օլիմպիական չեմպիոն։
Տեսանյութը՝
