Հայ ծանրամարտիկ Վարազդատ Լալայանը արծաթե մեդալակիր դարձավ 2024 թվականի Օլիմպիական խաղերում ծանրամարտի գերկշռային քաշային կարգում՝ 102 կգ-ից բարձր:
Անձնական 467 կգ արդյունքով Լալայանը երկրորդ տեղը գրավեց՝ 3 կգ զիջելով Լաշա Տալախաձեին: Վրացի մարզիկը դարձավ եռակի օլիմպիական չեմպիոն՝ երկամարտի 470 կգ արդյունքով:
Եվս մեկ հայ ծանրամարտիկ՝ Գոռ Մինասյանը, ով ներկայացնում է Բահրեյնը, բրոնզե մեդալակիր դարձավ 461 կգ արդյունքով: Նրա համար սա երկրորդ Օլիմպիադան էր: Նա երկրորդն էր 2016 թվականին Ռիոյում և այժմ երրորդն է 2024 թվականին Փարիզում:
Ռվաքից հետո առաջատար էր Մինասյանը՝ 1 կգ-ով առաջ անցնելով Լալայանից և Տալախաձեից, սակայն հրումի ժամանակ Գոռին հաջողվեց միայն մեկ մոտեցում կատարել, իսկ Վարազդատն ու Լաշան պայքարում էին ոսկու համար: 25-ամյա հայ մարզիկը մոտ էր վրացուն գահընկեց անելուն, բայց չկարողացավ երրորդ մոտեցման ժամանակ բարձրացնել 256 կգ: Տալախաձեն, թեև դժվարությամբ, բարձրացրեց 255 կգ: Մրցավարներից մեկը չհաշվեց նրա մոտեցումը, բայց մյուս երկուսը հաշվեց, և Տալախաձեն դարձավ չեմպիոն:
Արդյունքները, +102 կգ, Օլիմպիադա 2024:
Ոսկի՝ Լաշա Տալախաձե (Վրաստան) — 470 կգ (215+255):
Արծաթ՝ Վարազդատ Լալայան (Հայաստան) — 467 կգ (215+252):
Բրոնզ՝ Գոռ Մինասյան (Բահրեյն) — 461 կգ (216+245):
-
Ալի Դավուդի (Իրան) — 447 կգ (205+242):
-
Ման Ասաադ (Սիրիա) — 438 կգ (197+241):
-
Ալի Ռուբայավի (Իրաք) — 437 կգ (200+237):
