Վարդան Մինասյանի՝ «Արարատ-Արմենիա»-ի գլխավոր մարզչի մամուլի ասուլիսը Մոլդովայի «Զիմբրուի» հետ Եվրոպայի Կոնֆերենցիաների լիգայի որակավորման երկրորդ փուլից առաջ.
— Ի՞նչ գիտեք «Զիմբրուի» մասին:
— Մեր թիմն այս մասին շատ տեղեկություններ չունի: Գիտենք, որ նրանք 6 խաղ են անցկացրել: Կազմում փոփոխություններ կան, նոր խաղացողներ են հայտնվել: Ավելի շատ տեղեկություններ կան նախորդ սեզոնից: Խաղի ոճում մեծ փոփոխություններ չկան: Թիմը շատ սովորած, կարգապահ է, լավ պաշտպանվում է և արագ անցնում հարձակման:
— Մամուլում մեղադրանքներ են եղել ձեր ակումբի հասցեին, թե իբր ձեր պատճառով որոշ ուղևորներ չեն կարողացել թռիչք կատարել դեպի Կիշնև: Ինչ եք ասում այս մասին?
— Սա սուտ է, չգիտեմ, որտեղից են ծագում այդ խոսակցությունները: Մենք, ինչպես բոլոր նրանք, ովքեր գնել են ինքնաթիռի տոմսեր, սպասում էինք ուշացած չվերթին 4,5 ժամ և միասին թռանք Կիշնև: Մենք ոչինչ հատուկ չենք արել, պարզապես սպասում էինք չվերթին (պատասխանեց մամուլի քարտուղարը):
— Ի՞նչն է ձեզ օգնում լավ խաղալ արտագնա խաղերում:
— Կարծում եմ, որ մենք ավելի շատ փորձ ունենք նմանատիպ խաղերում, քան «Զիմբրուն»: Բայց սա շատ կազմակերպված թիմ է, ինչը մեզ համար անակնկալ էր: Նրանք արագ խաղացողներ ունեն: Եվս ասեմ, որ վերջին արդյունքներից երևում է, որ մոլդովական ֆուտբոլը մեծ առաջընթաց է գրանցում: Ձեր երեք թիմերն անցել են հաջորդ փուլ, դա հաստատ պատահականություն չէ: Ես համարում եմ «Զիմբրուն» հիանալի թիմ:
— Ինչքա՞ն լավ եք ճանաչում Դենիս Դեդեչկոյին, որը խաղացել է Հայաստանում:
— Երբ նա Հայաստանում էր, ես աշխատում էի արտասահմանում: Բայց ես հիշում եմ նրան, նա շատ լավ է կատարում տուգանայինները:
— Ո՞րն է այս սեզոնի առաջին պաշտոնական խաղի դժվարությունը:
— Ես խնդիր չեմ տեսնում: Մենք մեր ոճը չենք փոխում արդեն երկրորդ տարին, բայց անակնկալներ կարող են լինել:
«Զիմբրու» — «Արարատ-Արմենիա» հանդիպումը տեղի կունենա Կիշնևում հուլիսի 25-ին, ժամը 20:45 Երևանի ժամանակով:
